Te rejat e Fundit
Shkollat Politike ulin së bashku parlamentarët shqiptarë dhe malazezë
Tema e Mobilitetit Urban mblodhi sot së bashku në Tiranë parlamentarët shqiptarë dhe malazezë. Anëtarët e komisionit për Veprimtarinë Prodhuese, Tregtinë dhe Mjedisin të Kuvendit të Shqipërisë dhe një grup prej 8 deputetësh dhe staf i parlamentit të Malit të Zi, ndoqën prezantimet e ekspertit Aljaz Plevnik dhe shembuj konkretë nga eksperienca sllovene me objektiv forcimin e kapaciteteve të parlamentarëve për të ndikuar në procesin e vendimmarrjes politike në këtë fushë.
Kursi i dytë i Shkollës mbi lidershipin dhe përfaqësimin
Kursi i dytë kombëtar i Shkollës Shqiptare të Studimeve Politike me temë “Lidershipi dhe përfaqësimi politik”, u zhvillua në datat 5-7 prill 2019 në Vlorë. Moduli i parë i kursit u zhvillua në formën e një trajnimi intensiv mbi lidershipin e fokusuar tek karakteri. Kurrikula e zhvilluar nga McCain Institute, pranë Universitetit të Arizona në SHBA, u trajtua nga ekspertja znj. Edlira Gjoni.
Certifikohen 20 drejtues të pushtetit vendor në Akademinë e Lidershipit
Akademia e Studimeve Politike finalizoi ciklin e dytë të Akademisë së Lidershipit, programit të Qendrës së Ekspertizës së Këshillit të Evropës, i cili zhvillohet në bashkëpunim me Shkollën Shqiptare të Administratës Publike (ASPA), me mbështetjen e Agjencisë Zvicerane për Zhvillim dhe Bashkëpunim (SDC).
Nënshkruhet marrëveshja për edukimin e votuesve të rinj 2019
Komisioni Qendror i Zgjedhjeve dhe Akademia e Studimeve Politike firmosën sot Marrëveshjen e Bashkëpunimit për edukimin e të rinjve mbi zgjedhjet vendore të 30 qershorit 2019. Ky program do të zbatohet për herë të pestë në Shqipëri në bashkëpunim me Ministrinë e Arsimit, Sportit dhe Rinisë (MASR). Fushata do të ketë në fokus mbi 35 mijë maturantë (votues për herë të parë) në shkollat e mesme të vendit, duke synuar informimin e tyre mbi procesin dhe nxitjen për të marrë pjesë në zgjedhje.
Kursi i parë i Shkollës mbi sistemet dhe fushatat zgjedhore
Kursi i parë kombëtar i Shkollës Shqiptare së Studimeve Politike me temë "Mesazhet politike në fushatat elektorale dhe sistemet zgjedhore" u zhvillua nga data 15-17 mars 2019 në Voskopojë. Konsulenti politik z. Jim Arkedis, me mbi 15 vite eksperiencë në fushatat politike amerikane, trajtoi temën e "Komunikimit politik dhe organizimin e fushatave".
Zgjatet afati - Thirrje për shprehjen e interesit për një ekspert analizash
Shtyhet deri më 15 mars 2019, ora 16.00, afati për pranimin e aplikimeve për ekspertin e analizave. Kandidatët e interesuar dhe të kualifikuar duhet të dërgojnë aplikimin e tyre, në adresën info@asp.al. Subjekti i emailit duhet të përmbajë temën: "Eksperti i Analizës mbi raportin kërkimor & Raportin e vlerësimit të nevojave".
Starton cikli i dytë i Akademisë së Lidershipit për drejtuesit vendorë
Akademia e Studimeve Politike në bashkëpunim me Shkolla Shqiptare e Administratës Publike nisi sot në Durrës zbatimin e ciklit të dytë të programit "Akademia e Lidershipit", me synim rritjen e kapaciteteve të 25 drejtuesve të lartë të administratës vendore nga 16 bashki të ndryshme të vendit.
Gjithçka gati për ciklin e dytë të Akademisë së Lidershipit
Kurrikula e adaptuar e programit të Akademisë së Lidershipit (Leadership Academy Programe – LAP) është tashmë pjesë e trajnimeve të administratës vendore. Grupi i ekspertëve shqiptarë të certifikuar nga Këshilli i Evropës dhe Akademia e Studimeve Politike, po përgatisin detajet e fundit për të nisur ciklin e dytë të trajnimit me 25 drejtues të Njësive të Qeverisjes Vendore në të gjithë vendin.
Thirrje për shprehjen e interesit për një ekspert analizash
Akademia e Studimeve Politike kërkon të kontraktojë një ekspert për të përgatitur një Raport kërkimor si dhe një Raport mbi Vlerësimine Nevojave, në kuadër të projektit “Duke nisur nga bazat: Roli i Shoqërisë Civile në procesin e integrimit në BE në Shqipëri”, në kuadër të projektit EuropeAid / 138384 / ID / ACT / AL "Mbështetje për Organizatat e Shoqërisë Civile për Zbatimin e Aksioneve për Ngritjen e Kapaciteteve për Rritjen e Dialogut të Politikave dhe Ndërgjegjësim mbi Procesin e Integrimit Europian"
ASP projekt per angazhimin e shoqërinë civile ne procesin e integrimit
Akademia e Studimeve Politike nisi zbatimin e projektit “Roli i Shoqërisë Civile në Procesin e Integrimit Evropian në Shqipëri", në kuadrin e IPA II - Instrumenti i Integrimit të Bashkimit Evropian 2014, në bashkëpunim me Institutin e Sociologjisë Ndërkombëtare në Gorizia (Itali) dhe Fondacionin në Mbështetje të Demokracisë Lokale (Poloni)
