Publikime

Pastrimi i parave dhe kriptomonedha

Punimi i alumnes sonë Julinda Mansaku analizon zhvillimet e fundit për kornizën ligjore të kriptomonedhës në nivel ndërkombëtar dhe sjell disa rekomandime për politikat monetare dhe legjislacionin vendas për të siguruar më tej shkëmbimin e monedhave virtuale dhe luftuar informalitetin dhe pastrimin e parave të padeklaruara.

 
Klikoni ketu per punimin e plote

Ballkan i Hapur, sfidat e tregut të përbashkët rajonal

Analiza identifikon asimetritë kryesore të mjedisit ekonomik të vendeve të Ballkanit Perëndimor dhe cilat janë kapacitetet aktuale prodhuese dhe konkurruese. Gjetjet dhanë disa rekomandime për politikëbërësit mbi ndërhyrjet e nevojshme për të reduktuar këto asimetri dhe për të siguruar përfitime maksimale nga tregu i hapur në Ballkan.
 
Klikoni ketu per punimin e plote

Punimi “Marrëveshjen e Gjelbër të BE-së” dhe potenciali i Shqipërisë

Punimi sjell një analizë të potencialit të Shqipërisë për të arritur objektivat që rrjedhin nga Agjenda e Gjelbër si dhe situatën aktuale dhe sfidat për Shqipërinë dhe vendet e tjera të rajonit. Dokumenti ofron gjithashtu disa rekomandime për nxitjen e rolit të aktorëve publikë dhe privatë për të arritur zbatimin e një tranzicioni ambicioz drejt një ekonomie të gjelbër.
 
Klikoni ketu per punimin e plote

Shteti i së drejtës në gjendjen e emergjencës së COVID-19

Ky dokument analizues mbi ndryshimet ligjore dhe aktet normative që janë ndërmarrë gjatë muajve të fundit nën situatën e emergjencës si pasojë e COVID-19, u prodhua si pjesë e kontributit profesional të alumnëve të “Shkollës Shqiptare të Studimeve Politike”. Tashmë që faza e parë e përballimit të pandemisë ka kaluar është me vlerë që të kryhet një analizë e funksionimit të shtetit të së drejtës dhe proporcionalitetit të masave të ndërmarra gjatë kësaj periudhe të gjendjes së jashtëzakonshme.
 

Ndikimi i Dixhitalizimit në Ofrimin e Shërbime Ndaj Qytetarëve 2015 – 2019

Punimi synon të sjellë një fotografi të ndikimit të përdorimit të teknologjisë së informacionit dhe mjeteve të saj në ofrimin e shërbimeve ndaj qytetarëve në nivel vendor dhe qendror të qeverisjes në vend. Ky dokument u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike”

Klikoni ketu per punimin e plote


Garantimi i transparencës në zbatimin e reformës së Administratës Publike

Punimi fokusohet në analizën e ecurisë dhe progresit të reformës në Administratën Publike, dhe kontributin që kjo reformë ka dhënë në përmirësimin e zbatimit të parimeve të mirëqeverisjes, veçanërisht atë të transparencës. Ky dokument u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike”
   
Klikoni ketu per punimin e plote


Përfshirja sociale në kuadër të politikave vendore – Rasti Elbasan

Punimi sjell një analizë të masave strategjike dhe sektoriale të ndërrmara nga pushteti vendor, duke u fokusuar në rastin e bashkisë Elbasan, për përfshirjen sociale të qytetarëve dhe rezultatet që kanë sjellë në grupet vulnerabile të shoqërisë këto politika. Ky dokument u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike”


Klikoni ketu per punimin e plote

Një diplomaci ekonomike efektive: Rasti i Shqipërisë

Dokumenti synon të analizojë rolin e diplomacisë ekonomike shqiptare, duke u mbështetur në parimin e mirëqeverisjes efikasiteti dhe efektshmëria, për zhvillimin dhe thellimin e marrëdhënieve ekonomike e tregtare të Shqipërisë, me vende të ndryshme. Ky dokument u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike”

Klikoni ketu per punimin e plote 

Buxhetimi i Përgjegjshëm Gjinor në qeverisjen vendor - Rasti Shkodër

Ky punim vlerëson integrimin e perspektivës gjinore në buxhetim në Bashkinë Shkodër, me qëllim ndërgjegjësimin e këshillit bashkiak dhe administratës bashkiake, si dhe të paraqesë instrumente në vlerësimin e kuadrit fiskal për një zhvillim social gjithëpërfshirës. Ky dokument u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike”.

Klikoni ketu per punimin e plote

"Mangesite dhe problemet ne perdorimin e mediave sociale nga bashkite - Rasti Sarande dhe Mat"

Ky dokument i shkurtër politikash merr në shqyrtim profilet zyrtare në Facebook të dy bashkive në vend, duke analizuar situatën aktuale dhe sugjeruar disa ndryshime, të vlefshme edhe për njësitë e tjera vendore. Autori nënvizon faktin që bashkitë duhet të zhvillojnë në vijimësi një politikë të përbashkët të ndërtimit të komunikimeve publike në rrjete, si një model komunikues tashmë i detyruar nga teknologjia dhe i kërkuar nga qytetarët.
 

"Potenciali i demokracise direkte ne mireqeverisjen vendore - Rasti Tirane"

Punimi prezanton potencialin dhe mundësinë praktike të zbatimit të demokracisë direkte në bashkinë Tiranë. Autori sjell shembullin e referendumeve në Zvicër dhe analizon përfitimet që mund të sjellë kjo praktikë për për të marrë mendimin e qytetarëve, për t’u këshilluar me ta dhe për të marrë aprovimin e tyre përpara se të ndërmerret projekte apo ndërhyrje që sjellin shpesh bllokime dhe ngërçe me qytetarët.
 

"Nga përfaqësimi formal i grave drejt influencimit efektiv në politikat vendore"

Rekomandimet e punimit bazohen në një sondazh të zhvilluar me gratë e njësisë nr. 2 në Shkodër dhe njësisë administrative Velipojë me qëllim për të njohur faktorët që pengojnë pjesëmarrjen e tyre në vendimmarrje. Nga analiza e sondazhit rekomandohet që përtej konsultimeve publike të afrohen edhe forma të reja të komunikimit dhe sigurimit të opinionit të grave dhe vajzave të kësaj zone.
 

"Funksionimi i Mekanizmit Kombëtar të Referimit të Dhunës në Familje - Rasti Korçë dhe Berat"

Punimi mbështetet mbi monitorimin e funksionimit të Mekanizmit Kombëtar të Referimit të Dhunës në Familje në bashkitë Korçë dhe Berat me qëllim ofrimin e rekomandimeve konkrete për përmirësimin e veprimit të këtij mekanizmi. Duke analizuar problematikat institucionale dhe kompetencat e bashkive pas zbatimit të reformës administrativo-territoriale, ofrohen rekomandime të vlefshme edhe për njësitë e tjera të qeverisjes vendore.
 
Klikoni ketu per punimin e plote 


“Sfida dhe mundësi për riintegrimin e fëmijëve të kthyer nga emigracioni” - Rasti i bashkisë Gjirokastër

Dokumenti analizon situatën e riintegrimit të familjeve të kthyera nga emigracioni dhe fëmijëve në veçanti në zonën e bashkisë Gjirokastër, duke ofruar një set rekomandimesh për të përballur problematikën. Këto gjetje synohet që të mund të shërbejnë edhe për bashkitë e tjera ku haset fenomeni i kthimit të emigrantëve.
 
Klikoni ketu per punimin e plote

Roli i kuotave gjinore në vendimmarrjen e Këshillave Bashkiakë

Ky punim merr përsipër të analizojë nismat e ndërmarra nga gratë e përfshira në politikën vendore. Sa është numri i nismave me ndikim social dhe sa janë implementuar ato në komunitet. Përmes tij, synohet të ofrohen rekomandime që do të ndikojnë në rritjen dhe fuqizimin e rolit të gruas në vendimmarrje.

Klikoni këtu per dokumentin e plotë  

Qeverisja Vendore dhe gjithëpërfshirja e komunitetit LGBTI

Ky punim synon të ofrojë një pasqyrim të realitetit shqiptar në lidhje me aspekte të kompetencave dhe mundësisë efektive të ushtrimit të tyre, në kuadër të qeverisjes vendore. Qëllimi kryesor i këtij punimi është vënia në dukje e përfshirjes dhe mbështetjes së komunitetit LGBTI, si një aspekt i vecantë i sistemit të mirëqeverisjes në qeverisjen vendore.

Klikoni këtu per dokumentin e plotë  

Impakti i reformës territoriale në kontekstin e zhvillimit të balancuar

Punimi synon të analizojë rezultatet buxhetore të Reformës Administrativo-Territoriale në Shqipëri në vitin e parë të zbatimit të saj. Kërkimi vlerëson gjithashtu alokimin e fondeve në funksion të reduktimit të pabarazisë ekonomike midis qarqeve dhe përshpejtimit të rritjes ekonomike të qëndrueshme në Shqipëri.

Klikoni këtu per dokumentin e plotë

Tejkalimi i kompetencave ekzekutive në legjislacionin tatimor dhe mjedisor

Dokumenti analizon disa raste konkrete të “ndërhyrjeve” të Këshillit të Ministrave si përfaqësues i pushtetit ekzekutiv apo edhe organeve të tjera përfaqësuese të pushtetit vendor në prodhimin e normave të reja, duke shkeluar parimin e ndarjes dhe balancimit të pushteteve.

Klikoni këtu per dokumentin e plotë 
 

Konsultimi i paketës fiskale 2016 nga bashkia Tiranë

Punimi kërkimor i pjesëmarrësve të Shkollës analizon procesin e konsultimit me palët e interesuara dhe transparencën e bashkisë Tiranë në hartimin e paketës fiskale 2016. Rekomandimet përkatëse synojnë që të zbulojnë anët e dobëta të këtij procesi dhe përmirësojnë procesin në këtë bashki dhe në njësitë e tjera vendore me qëllim zbatimin e legjislacionit përkatës, por edhe krijimin e një klime më të ngushtë bashkëpunimi me bizneset vendore dhe qytetarët në mbledhjen e taksave.
 

Pjesëmarrja e të rinjve në proceset vendimmarrëse në nivel vendor - Rasti studimor Kukës

Ky studim i pjesëmarrësve të Shkollës analizon pjesëmarrjen e të rinjve në proceset vendimarrëse në nivel lokal duke marrë si rast studimor këshillin bashkiak në Kukës. Qëllimi i studimit është që të sjellë rekomandime më qëllim për të përmirësuar situatën e të rinjve në nivelin vendor duke e parë si mundësi dhe për mirëqeverisjen e njësive vendore të vendit.

Klikoni këtu per dokumentin e plotë

Bordi i Zhvillimit Ekonomik pranë Njësive të Qeverisjes Vendore, rasti Shkodër

Punimi synon të analizojë përfitimet dhe mundësitë konkrete për krijimiin e një strukture vullnetare ekspertësh dhe qytetarësh aktivë pranë bashkisë, të quajtuar Bordi i Zhvillimit Ekonomik pranë Njësive të Qeverisjes Vendore (NJQV), si një mundësi për zhvillimin dhe mirëqenien e komunitetit dhe nxitës për mirëqeverisje, duke marrë si rast studimor bashkinë Shkodër.

Klikoni këtu per dokumentin e plotë

Monitorimi i zbatimit te ligjit te Eficences se Energjise - 2016

Ky raport monitorues ofron një pasqyrë të qartë të statusit të zbatimit të ligjit të Efiçencës së Energjisë gjatë vitit të parë të hyrjes në fuqi të tij, në mënyrë që të respektohen detyrimet e përcaktuara me këtë ligj dhe angazhimet e institucioneve shqiptare. Dokumenti është pjesë e përpjekjeve të vazhdueshme të ASP për krijimin e një terreni të përshtatshëm për zhvillimin e qëndrueshëm të sektorit të energjisë.

Klikoni këtu per dokumentin e plotë

Potenciali i pashfrytëzuar i Qeverisjes Vendore për krijimin e fondeve

Punimi synon të analizojë potencialin e pashfrytëzuar për të siguruar burimet financiare nga bashkitë. Për këtë qëllim janë marrë në studim bashkitë Dibër dhe Ura Vajgurore dhe janë rekomanduar rrugët për të krijuar burime financiare nëpërmjet rritjes së kapaciteteve të stafit për aplikime në programe të ndryshme.

Klikoni këtu per dokumentin e plotë  

Shembulli i bashkisë Korçë për punësimin e personave “të dënuar në shërbim prove” dhe “ish të dënuar"

Dokumenti analizon problematikat kryesore që lidhen me trajtimin aktual të kategorive në fjalë në shërbim prove dhe ish- të dënuar si dhe analizimin e situatës aktuale në një prej bashkive në vend që mund të konsiderohet si rast suksesi në riintegrimin e këtyre kategorive, (Bashkia Korçë). Shembujt pozitivë të trajtuar dhe rekomandimet e punimit synojnë të nxisin krijimin e një mekanizmi referimi kombëtar për këtë kategori. 

Klikoni ketu per punimin e plote

“Transferimi dhe menaxhimi i pronës shtetërore në Bashkinë Tiranë pas reformës administrative-territoriale”

Punimi monitorues ka pwr qwllim të identifikojë statusin e inventarizimit, transferimit dhe regjistrimit të pronave shtetërore drejt njësisë së qeverisjes vendore, duke analizuar bashkinë Tiranë. Rekomandohet ngritja e një databaze të integruar të dhënash mbi pasuritë e paluajtshme, përmes aplikimit të një sistemi informacioni GIS dhe një sistemi të menaxhimit financiar, ku të identifikohen të gjitha pasuritë e paluajtshme të administruara nga bashkia Tiranë.
 
Klikoni ketu per punimin e plote

"Përfshirja e komuniteteve rurale në administrimin e plazheve të Rivierës Shqiptare"

Dokumenti analizon situatën aktuale dhe rekomandon rritjen e transparencës për sa i përket planeve zhvillimore për turizmin, ashtu si dhe hapësirave të cilat mund të jenë të përshtatshme për shfrytëzimin për stacione plazhi. Instrumenti mund të jetë aktivizimi në këtë drejtim i kryesive të fshatit dhe vetë komuniteteve bregdetare, sipas modelit të bazuar në traditën zakonore.
 
Klikoni ketu per punimin e plote

“Prokurimi publik në nivel vendor, sfidat në luftën kundër korrupsionit - Rasti studimor në bashkinë Kamëz”

Punimi analizon procesin e prokurimeve në bashkinë Kamëz për të rekomanduar ngritjen e një shërbimi konsulence nga Agjencia e Prokurimeve Publike për të qartësuar pyetjet apo çështje të ndryshme të operatorëve ekonomikë, administratës vendore dhe publikut. si dhe kontraktimin e ekspertëve të fushës nga njësitë vendore në hartimin e specifikimeve teknike të prokurimeve.
 
Klikoni ketu per punimin e plote

Monitorimi i standardeve të aksesueshmërisë në ndërhyrjet infrastrukturore të vitit 2015-2016 në Tiranë

Dokumenti analizon statusin e 20 ndërhyrjeve në infrastrukturë të zhvilluara nga Bashkia e Tiranës gjatë periudhës 2015-2016 dhe arrin në përfundimin se këto investime shpesh nuk kanë standardet e aksesueshmërisë ose injorojnë tërësisht nevojat specifike të qytetarëve. Ofrohen disa rekomandime që mund të jenë të dobishme në mënyrë që bashkia të përmirësojë performancën e saj në dhënien e shërbimeve, të cilat duhet të përfitohen nga të gjithë qytetarët, përfshirë personat me aftësi të kufizuara.
 

Detyra studimore Strategjia e komunikimit ne shqip te IS - 2015

Ky dokument u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike” dhe u mbështet nga Akademia e Studimeve Politike. Punimi u mbështet mbi analizimin e disa aspekteve të strategjisë së komunikimit publik dhe përmbajtjes së komunikimit publik që përdor IS në përgjithësi. U analizuan mbi 270 mesazhe të faqeve propagandistike online në gjuhën shqipe, ose të përkthyer në gjuhën shqipe në Facebook apo platforma të tjera online gjatë 3 muajve të fundit.
 

Studimi mbi administraten vendore pas reformes - 2015

Punimi kërkimor synon analizimin e efiçencës së reformës administrative-territoriale në bashkitë e reja, duke trajtuar si shembull studimor bashkinë Fier. Ky punim u përgatit në kuadër të inisiativave publike të pjesëmarrësve të “Shkollës Shqiptare të Studimeve Politike”. Përdorimi i materialeve është i lejuar vetëm duke cituar autorin dhe në respekt të detyrimeve të legjislacionit të mbrojtjes së të drejtës së autorit dhe pronësisë intelektuale.

Klikoni ketu per dokumentin kerkimor

Dokument kerkimor mbi Investimet e Huaja Direkte në Shqipëri - 2015

Punimi mbi "Investimet e Huaja Direkte në Shqipëri" analizon problematikën në këtë sektor si dhe synon të sigurojë rekomandimet përkatëse për gjenerimin e ideve të reja për kirjimin e kushteve të favorshme për investimet e huaja direkte. Ky dokument u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike” dhe u mbështet nga Akademia e Studimeve Politike.
 

Platforma nderkufitare e veprimit mbi zhvillimin e qendrueshem te energjise Shqiperi-Maqedoni

Ky botim i Platformës Rajonale për Veprim mbi përdorimin efiçent të energjisë në Pogradec, Korçë - Shqipëri dhe Manastir, Kërçovë - Maqedoni, synon rritjen e informacionit dhe hapave konkretë që do të mund të ndërmarrin bashkitë pjesëmarrëse në vijim të një procesi të gjerë konsultues dhe duke ndarë vlera e përvoja të përbashkëta në këtë fushë. Platforma Rajonale shërben edhe si udhërrëfyes për bashkitë që të hartojnë plane konkrete ndërhyrje në lidhje me masat e eficencës së energjisë në nivel lokal.
 

Esete e pergatitura ne vitin akademik 2014

Me përfundimin e ciklit të programit të shkollës për vitin 2014, pjesëmarrësit duhet të prezantojnë një ese përfundimtare mbi një temë të zgjedhur prej tyre që ka lidhje me tematikat e programit. Esetë e pjesëmarrësve përbëjnë mjete të rëndësishme kërkimore që mund të përdoren nga vetë ata apo alumnit e ASPS në diskutime publike dhe iniciativa avokuese në fushat e tyre të interesit.

Klikoni mbi titullin përkatës të esesë për të shkarkuar materialin. Përdorimi i materialeve është i lejuar vetëm duke cituar autorin dhe në respekt të detyrimeve të legjislacionit të mbrojtjes së të drejtës së autorit dhe pronësisë intelekruale.

 

Dokumenti mbi punësimin e Personave me Aftësi të Kufizuar - 2014

Dokumenti synon të evidentojë problematikave sociale të punësimit për Personat me Aftësi të Kufizuar si dhe të sjellë disa rekomandime për përmirësimin e zbatimit të politikave kombëtare. Ky dokument u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike” dhe u mbështet nga Akademia e Studimeve Politike.
Përdorimi i materialeve është i lejuar vetëm duke cituar autorin dhe në respekt të detyrimeve të legjislacionit të mbrojtjes së të drejtës së autorit dhe pronësisë intelektuale.

Kliko ketu per rekomandimet e punimit
 

Dokument rekomandues Eficensa e Drejtesise - 2014

Ky dokument ka për qëllim të bëjë një vlerësim në lidhje me efiçensën e sistemit gjyqësor shqiptar mbi të drejtën për një gjykim brenda afateve të arsyeshme. Gjithashtu, ai synon të bëjë një sërë rekomandimesh me qëllim ngritjen e një sistemi gjyqësor efiçent e të besueshëm për qytetarët dhe forcimin e shtetit të së drejtës. Dokumenti u prodhua si pjesë e inisiativave publike të pjesëmarrësve të “Shkollës Shqiptare të Studimeve Politike” dhe u mbështet nga Akademia e Studimeve Politike. Përdorimi i materialeve është i lejuar vetëm duke cituar autorin dhe në respekt të detyrimeve të legjislacionit të mbrojtjes së të drejtës së autorit dhe pronësisë intelektuale.
 

Esete e pergatitura ne vitin akademik 2013

Me përfundimin e ciklit të programit të shkollës, pjesëmarrësit duhet të prezantojnë një ese përfundimtare mbi një temë të zgjedhur prej tyre që ka lidhje me tematikat e programit. Esetë e pjesëmarrësve përbëjnë mjete të rëndësishme kërkimore që mund të përdoren nga vetë ata apo alumnit e ASPS në diskutime publike dhe iniciativa avokuese në fushat e tyre të interesit. 

Klikoni mbi titullin përkatës të esesë për të shkarkuar materialin. Përdorimi i materialeve është i lejuar vetëm duke cituar autorin dhe në respekt të detyrimeve të legjislacionit të mbrojtjes së të drejtës së autorit dhe pronësisë intelekruale. 
 
 

Permbledhja e eseve me te mira 2012

Esetë e pjesëmarrësve përbëjnë mjete të rëndësishme kërkimore që mund të përdoren nga vetë ata apo alumnit e ASPS në diskutime publike dhe iniciativa avokuese në fushat e tyre të interesit. Në vitin 2012 u përzgjodhën nëntë ese si pjesë e koleksionit të eseve mbi qeverisjen e mire, të cilat u botuan nga ASP dhe janë tashmë publike si një botim.

Kliko ketu per materialialin PDF