Prezantohen punimet kërkimore të alumnëve të Shkollës
E Premte, 23 Dhjetor 2016
Akademia e Studimeve Politike (ASP) me mbështetjen e Fondacionit Shoqëria e Hapur për Shqipërinë (OSFA), Këshillin e Evropës dhe Agjensinë Zvicerane për Bashkëpunim dhe Zhvillim organizoi konferencën me temë ‘Kërkimi dhe advokimi sigurojnë politika më të mira evropiane në Shqipëri’.
Pesë punime kërkimore me fokus monitorimin e politikave në nivel vendor u prezantuan në konferencë, e cila mblodhi së bashku vendimmarrës, politikëbërës dhe aktorë të tjerë të rëndësishëm. Diskutimi i gjetjeve të këtyre punimeve me aktorët kryesorë synoi replikimin e shembujve pozitivë në njësi të tjera vendore si dhe përmirësimin e praktikave të hasura përgjatë vitit të parë të zbatimit të reformës administrativo-territoriale. Këto punime kërkimore u përgatitën me mbështetjen e Fondacionit Shoqëria e Hapur për Shqipërinë (OSFA) nga alumnë (ish-pjesëmarrës) të Akademisë së Studimeve Politike, të cilët veprojnë si promotorë të ndryshimit dhe të zbatimit të reformave të rëndësishme integruese në vend.
Punimet u vlerësuan nga aktorët e ndryshëm të ftuar në këtë event si një angazhim i duhur i profesionistëve dhe qytetarëve aktivë për të përmirësuar problematikat që shfaqen dhe ndikojnë në mirëqeverisjen vendore.
Më konkretisht punimet kërkimore u fokusuan:
Pas një procesi të hapur aplikimi në muajin Maj 2016, u përzgjodhën pesë propozimet më të mira të alumnëve, të cilët përfituan trajnimet përkatëse mbi teknikat e kërkimit dhe advokimit si dhe u mbështeten financiarisht në aktivitetet e tyre kërkimore dhe advokuese.
Akademia e Studimeve Politike (ASP) është një organizatë joqeveritare e themeluar në vitin 2009, nën kujdesin e Këshillit të Evropës, me synim nxitjen e një brezi të udhëheqësve të rinj politikë dhe shoqërisë civile. ASP është struktura përgjegjëse për organizimin në Shqipëri të programit Shkolla Shqiptare e Studimeve Politike me kontributin financiar të Agjensisë Zvicerane për Zhvillim dhe Bashkëpunim.
Për të konsultuar axhendën e konferencës ju ftojmë të klikoni në link.
Pesë punime kërkimore me fokus monitorimin e politikave në nivel vendor u prezantuan në konferencë, e cila mblodhi së bashku vendimmarrës, politikëbërës dhe aktorë të tjerë të rëndësishëm. Diskutimi i gjetjeve të këtyre punimeve me aktorët kryesorë synoi replikimin e shembujve pozitivë në njësi të tjera vendore si dhe përmirësimin e praktikave të hasura përgjatë vitit të parë të zbatimit të reformës administrativo-territoriale. Këto punime kërkimore u përgatitën me mbështetjen e Fondacionit Shoqëria e Hapur për Shqipërinë (OSFA) nga alumnë (ish-pjesëmarrës) të Akademisë së Studimeve Politike, të cilët veprojnë si promotorë të ndryshimit dhe të zbatimit të reformave të rëndësishme integruese në vend.
Punimet u vlerësuan nga aktorët e ndryshëm të ftuar në këtë event si një angazhim i duhur i profesionistëve dhe qytetarëve aktivë për të përmirësuar problematikat që shfaqen dhe ndikojnë në mirëqeverisjen vendore.
Më konkretisht punimet kërkimore u fokusuan:
- Monitorimi i standardeve të aksesueshmërisë për personat me aftësi të kufizuara në ndërhyrjet infrastrukturore të vitit 2015-2016 të Bashkisë Tiranë - Autore znj. Suela Lala - Mund ta shkarkoni këtu versionin shqip (for English version click here)
- Evidentimin
e shembullit pozitiv të bashkisë Korçë për punësimin e personave “të dënuar në shërbim prove” dhe “ish të
dënuar - Autore znj. Evis Fico - Mund ta shkarkoni këtu
- Monitorimin
e situatës së transferimit dhe menaxhimit të pronës shtetërore në Bashkinë
Tiranë pas reformës administrative-territoriale - Autor z. Arlind Lugji - Mund ta shkarkoni këtu
- Vlerësimin
e mënyrave për të përfshirë
komunitetet rurale bregdetare në administrimin e plazheve të Rivierës
Shqiptare - Autorë z. Admir Malaj, Ervis Moçka, Oljan Kanushi - Mund ta shkarkoni këtu
- Monitorimin e procedurave të prokurimit publik në bashkinë Kamëz dhe sfidat në luftën kundër korrupsionit në nivel vendor - Autore znj.Florenca Korbi - Mund ta shkarkoni këtu
Pas një procesi të hapur aplikimi në muajin Maj 2016, u përzgjodhën pesë propozimet më të mira të alumnëve, të cilët përfituan trajnimet përkatëse mbi teknikat e kërkimit dhe advokimit si dhe u mbështeten financiarisht në aktivitetet e tyre kërkimore dhe advokuese.
Akademia e Studimeve Politike (ASP) është një organizatë joqeveritare e themeluar në vitin 2009, nën kujdesin e Këshillit të Evropës, me synim nxitjen e një brezi të udhëheqësve të rinj politikë dhe shoqërisë civile. ASP është struktura përgjegjëse për organizimin në Shqipëri të programit Shkolla Shqiptare e Studimeve Politike me kontributin financiar të Agjensisë Zvicerane për Zhvillim dhe Bashkëpunim.
Për të konsultuar axhendën e konferencës ju ftojmë të klikoni në link.
